Autopanne di zweite

Ja so schnell ka's gong! Bin vorgestern mit d Lisa (uine von unseren WOOFERINEN, war voll lustig, i hob se scho mol in Wellington in am Backpacker troffe und zmol stoht se wieder vor mir im Unuku Farm Hostel und sagt sie faengt do au zum woofen a) noch Akaroa gfahre (mir sind a wing ausserhalb) stell mei Auto ab und wo mir wieder zruck waret ging gar nix mehr! NA BRAVO! Hot kuin Laut mehr von sich geabe und mir sind dann halt gloffe. Am I-site haend mir dann erst mol gfrogt ob mir vielleicht telefoniere kinnet weil mei Auto numa aspringt! Bis di Madame des mol checkt hot, na ja Kiwi's halt :-) Hob im unserem Hostel agrufe und unsere Situation geschildert! Bin dann noch langem Ueberlege zur Tankestelle und hob do an Mechaniker gfrogt ob er mir vielleicht helfe ka! Und man staune, ganz untypisch fuer di Kiwi's hot der glei Zeit ket! Er hot mei Auto fremdgstartet und dann isch es au scho wieder weiter gange! Und vor fast zwei Woche war i beim bade an d Le Bons Bay und seit deam duat mei Auto au gonz komisch, war ziehmlich kurvig und steil! Na ja wird scho irgendwie weg gong :-)
Ach ja i hob uib ja no gar it mitgeteilt dass i jetzt Manager vom Unuku Farm Hostel bin und do bis mindestens Ende Maerz bleib :-))
Hob zwei Tage als Woofer gschafft und dann haend se mi gfrogt ob i it als Manager afange will! Und natuerlich hob i do dann it nein gseit :-)))))
Hob deshalb au glei am naechste Tag mei rent-a-car Firma agrufe und hob dem gseit das i mei Auto frueher zruck geabe muss, weil i ja jetzt momentan eigenlich gar kuis brauch! Und der "ueberaus nette Inder mit fliessend sprechendem englisch" (war jetzt alles ironisch gmuint) erzaehlt mir was von wegen i kann mei Auto frueher abgeabe, aber krieg dann kui Geld mehr raus! "So ein netter Mann" hob i mir dann bloss denkt!!! In meinem Mietvertrag stoht aber din, dass i mei Auto jederzeit abgeabe ka und au mei Geld zruck krieg! Der kennt sich so richtig guat aus!! Naja, aber i hob des dann dem Steve (meim Chef) erzaehlt und der hot gmuint er kuemmert sich mol drum! Bin ja mol gspannt wann und was sich do so duat!

Also meine Lieben, des war mol wieder a klitzekleiner Einblick in mein wunderbares Leben auf Neuseeland!

Druck uib ganz ganz fest

Kerstin